Wed09032014

Last updateWed, 27 Aug 2014 7pm

 
 
Back Та энд байна: Home Бусад уран бүтээлчид Д. Нацагдорж: Миний нутаг

Д. Нацагдорж: Миний нутаг

Хэнтий, Хангай, Саяны өндөр сайхан нуруунууд

Хойт зvгийн чимэг болсон ой хөвчийн уулнууд

Мэнэн, Шарга, Номины өргөн их говиуд

Өмнө зvгийн манлай болсон элсэн манхан далайнууд

 

Энэ бол миний төрсөн нутаг

Монголын сайхан орон

 

Хэрлэн, Онон, Туулын тунгалаг ариун мөрнvvд

Хотол олны эм болсон горхи, булаг, рашаанууд

Хөвсгөл, Увс, Буйрын гvн цэнхэр нуурууд

Хvн малын ундаа болсон тойром бvрд уснууд

 

Энэ бол миний төрсөн нутаг

Монголын сайхан орон

 

Орхон, Сэлэнгэ, Хөхийн онц сайхан голууд

Уурхай баялгийн охь болсон олон уул даваанууд

Хуучин хөшөө дурсгал, хот, балгадын сууринууд

Хол газараа одсон харгуй дардан замууд

 

Энэ бол миний төрсөн нутаг

Монголын сайхан орон

 

Холхи газраас гялалзсан цаст өндөр хайрхнууд

Хөх тэнгэр цэлмэсэн хөдөө хээр цайдмууд

Холын бараа харагдсан ноён шовх сарьдгууд

Хvний сэтгэл тэнийсэн уудам амьсгалт талууд

 

Энэ бол миний төрсөн нутаг

Монголын сайхан орон

 

Хангай, Говийн хооронд Халхын уудам нутаг

Хар бага наснаас хөндлөн гулд давхисан газар

Гөрөөс, араатан авласан урт урт шилvvд

Хөлөг морин уралдсан хөндий сайхан хоолойнууд

 

Энэ бол миний төрсөн нутаг

Монголын сайхан орон

 

Салхины vзvvрт найгасан соргог нарийн ногоотой

Саруулд талд яралзсан сонин янзын зэрэглээтэй

Сайн эрс цугласан байц бэрх газартай

Сvлд тахилга улирсан сvмбэр их овоотой

 

Энэ бол миний төрсөн нутаг

Монголын сайхан орон

 

Нарийн өвс ургасан малын сайхан бэлчээртэй

Нааш цааш сvлжих тэнэгэр сайхан нуруутай

Дөрвөн цагийн улиралд дураараа нvvх нутагтай

Таван зvйлийн тарианы хөрс, шороо, газартай

 

Энэ бол миний төрсөн нутаг

Монголын сайхан орон

 

Өлгий сайхан ууланд өвгөдийг тавьсан газар

Yр, ач, хvvхдийн vржиж өссөн орон

Таван хошуу мал дvvрэн бэлчсэн нутаг

Монгол хvн бидний сэтгэлийг сорсон орон

 

Энэ бол миний төрсөн нутаг

Монголын сайхан орон

 

Өвлийн тэсгим цагт цасан, мөсөн бvрхээд

Болор шилийн өнгө гялтганаж гялалзсан орон

Зуны найртай улиралд цэцэг, навч дэлгэрээд

Жигvvртэн шувуу холоос ирж гангар гунгар донгодсон орон

 

Энэ бол миний төрсөн нутаг

Монголын сайхан орон

 

Алтай, Хянганы завсарт атар баялаг орон

Аав, ээжийн минь оршсон ашдын заяасан нутаг

Алтан нарны туяанд энхжин тогтсон орон

Мөнгөн сарны гэрэлд мөнхжин гялалзсан газар

 

Энэ бол миний төрсөн нутаг

Монголын сайхан орон

 

Хvннv, Сvннvгийн vеэс хөгшид, өвгөдийн минь нутаг

Хөх Монголын цагт хvчирхэг болсон орон (Хүн ард бидний хайрыг булаасан орон)

Он онд идээшиж, олон жилд дассан нутаг

Одоогийн шинэ Монголын улаан туг бvрхсэн орон

 

Энэ бол миний төрсөн нутаг

Монголын сайхан орон

 

Өссөн төрсөн бидний vндэсний хайртай нутаг

Өнгөлзөгч дайсан ирвэл vтэр өшиглөн хөөнө

Хувьтай энэ орондоо хувьсгалт улсаа мандуулж

Хойчийн шинэ ертөнц дээр хvндтэй гавьяаг байгуулья

 

Энэ бол миний төрсөн нутаг

Монголын сайхан орон

 

Монгол гэдэг нэг нэр ертөнцийн чихнээ дурсгалтай

Монголын төлөө гэдэг санаа бидний зүрхэнд холбоотой

Өсөхөөс сурсан үндсэн хэл, мартаж болшгүй соёл

Үхтэл орших төрлөх нутаг салж болшгүй орон

 

Энэ бол миний төрсөн нутаг

Монголын сайхан орон

 

 

Comments   

 
0 #155 фаак юу 2014-08-16 12:19
та нарын толгойд орж ирэхгүй юмыг зохиоцон бгаа биздээ. олигтой болчоод ингэж хэлээсэй :oops:
Quote
 
 
+2 #154 Шлгт 2014-06-02 12:28
Гоё шүлэг шүүүү
Quote
 
 
+2 #153 Шлгт 2014-06-02 12:26
Гоё шүлэг
Quote
 
 
+2 #152 nazli 2014-05-06 13:01
ta nar bitgii manaai iaruu nairagwaa dormjilj bai ta nar ooroo biwiij wadaxgvi l dee
ene bol minii xairtai wvleg
mongoliin saixan iaruu nairaagw
:lol: :D :lol: :D :-)
Quote
 
 
-4 #151 mADHJESGFBGZHGSDJKWA 2014-05-06 12:51
:P :zzz :-x
Quote
 
 
+3 #150 nazli 2014-05-06 12:49
ene bol minii xairtai wvleg
mongoliin saixan iaruu nairagw
:D :lol: :D :lol: :-)
Quote
 
 
+4 #149 temka 2014-04-21 10:37
bi nodnin cheejilsen ch odoo hurtel sanj bna unen goy shuleg uchir sanj bna aa
:D :lol: :-)
Quote
 
 
-6 #148 ali 2014-04-20 11:40
shlal teneg shuleg
Quote
 
 
-4 #147 Sodbileg 2014-04-20 11:35
meddrel suleg :-x
Quote
 
 
-3 #146 elbegdorj 2014-04-20 11:33
genet bodson chin mongol ornii hamgiin tene shuleg shig sanagdchihlaa
Quote
 
 
+7 #145 Sodbileg 2014-04-20 11:30
saak shuleg mongol ornooroo baharhaj bna shuu :D
Quote
 

Add comment

Security code
Refresh

MonTsaMe 24h

What Do You Think about DM-Online?
Post time: 5 days ago Wrose I am the first Dayar Mongol Weekly. For some of you, I am not so beautiful...But I am usable, flexible and help you learn more knowledge...
Author: Nomin.B - Facebook - Twitter
Post time: 3 days ago Hung Dinh Dayar Mongol Online - Unlimited idea positions, news variations, authors corners, image gallery enable, ... What else do you want?
Author: Saruul.M - Facebook - Twitter
Зохиогчийн булан

Ж.Бат-Ирээдүй
Токио